मयत वयोवृध्दाचे ओळख पटविण्याचे एमआयडीसी पोलीसांचे आवाहन

प्रतिनिधी प्रविण पाटील। जिल्हा शासकीय वैद्यकीय महाविद्यालयात दाखल असलेल्या ६१ वर्षीय व्यक्तीचा उपचारादरम्यान मृत्यू झाला आहे. त्या व्यक्तीच्या नातेवाईकांनी एमआयडीसी पोलीसांशी संपर्क साधावा असे आवाहन एमआयडीसी पोलीसांनी सोमवारी १० जानेवारी रोजी प्रसिध्दीपत्रकान्वये कळविले आहे

याबाबत माहिती अशी की, सुनिल साळुंखे (पुर्ण नाव माहिती नाही, वय-६१) रा. अयोध्या नगर जळगाव हे आजारी असतांना स्वत:हून एकटे जिल्हा शासकीय वैद्यकीय महाविद्यालयात ६ जानेवारी रोजी दाखल झाले होते. त्याचा उपचारादरम्यान रविवारी ९ जानेवारी रोजी दुपारी १ वाजता मृत्यू झाला आहे. याप्रकरणी वैद्यकीय अधिकारी डॉ. अच्छाव यांच्या खबरीवरून एमआयडीसी पोलीस ठाण्यात अकस्मात मृत्यूची नोंद करण्यात आली होती. दरम्यान दिलेल्या पत्त्यावरून पोलीसांनी नातेवाईकाचा शोध घेतला असता कुणीही मिळून आले नाही. यासंदर्भात नातेवाईकांनी मयताच्या नातेवाईक ओळखत असल्यास एमआयडीसी पोलीसांशी संपर्क साधावा असे आवाहन सोमवारी १० जानेवारी रोजी दिलेल्या प्रसिध्दीपत्रकाच्या माध्यमातून केले आहे. याचा पुढील तपास पोलीस उपनिरीक्षक रविंद्र गिरासे करीत आहे.