भुसावळ : प्रतिनिधी
तालुक्यातील खंडाळा गावाजवळील पुलावर जुन्या वादातून दोघांना ४ जणांनी बेदम मारहाण करून गंभीर दुखापत केल्याची घटना २९ रोजी रात्री ९:३० वाजेच्या सुमारास घडली. याप्रकरणी मंगळवारी ३० एप्रिल रोजी पहाटे ५ भुसावळ तालुका पोलिस ठाण्यात चार जणांविरोधात गुन्हा दाखल करण्यात आला आहे.
सविस्तर वृत्त असे कि, रितेश राजेंद्र महाजन (वय २१, रा. खंडाळा, ता. भुसावळ) यास जुन्या भांडणाच्या कारणावरून गावात राहणारे पवन राजू कोळी, सुशील अनिल कोळी, गणेश सुरेश कोळी आणि सुनील दीपचंद कोळी यांनी शिवीगाळ करत मारहाण केली. याचवेळी रितेशच्या मावसभावालाही बेदम मारहाण करून गंभीर दुखापत केली. याप्रकरणी रितेश महाजन याने भुसावळ तालुका पोलिसांत तक्रार दिल्यावरून गुन्हा दाखल करण्यात आला आहे. पुढील तपास पोहेकॉ गणेश राठोड हे करीत आहेत
