मुंबई : वृत्तसंस्था
राज्यातील गुन्हेगारी दिवसेदिवस वाढत असतांना नुकतेच ठाण्याच्या कळवा पूर्व या परिसरात जुन्या वादातून गोळीबार झाल्याची घटना मध्यरात्रीच्या सुमारास ही घटना घडली असून यात एकजण गंभीर जखमी झाला आहे. त्याला उपचारासाठी रुग्णालयात दाखल करण्यात आले आहे.
मिळालेल्या माहितीनुसार, ठाण्याच्या कळवा पूर्व स्टेशन रोड परिसरात मध्यरात्री हा गोळीबार झाल्याची माहिती समोर आली आहे. जुन्या वादातून हा गोळीबार झाल्याची माहिती समोर आली आहे. सदर घटनेत एका व्यक्तीस गोळी लागल्याने गंभीर दुखापत झाली आहे. संदीप पुजारी असे जखमी झालेल्या व्यक्तीचे नाव आहे. सदर व्यक्तीवर कळवा छत्रपती शिवाजी महाराज रुग्णालयामध्ये उपचार सुरू आहे.
या घटनेचा पुढील तपास कळवा पोलीस करीत आहेत. तसेच सदरचा व्यक्ति कुठल्या गुन्हेगारी टोळीचा सदस्य होता का? याचा देखील शोध पोलीस घेत आहेत. मात्र आर्थिक देवाणघेवाण मधून सदरचा प्रकार घडल्याचा अंदाज व्यक्त करण्यात येत आहे.
