अकोला : वृत्तसंस्था
विवाहित मुलीने प्रेमसंबंध ठेवले होते आणि तिला सतत सांगितल्यानंतरही ती ऐकत नसल्याने समाजात बेअब्रू होईल, त्यामुळे भावाने व काकानेच कट रचून तिची हत्या केल्याचे अकोट फैल पोलिसांच्या तपासातून उघड झाले आहे. या प्रकरणात काका व मृत विवाहितेचा भाऊ दोघेही पोलिस कोठडीत आहेत.
अकोट फैलातील झाडीपुरा साधना चौकात २४ नोव्हेंबरला एका २१ वर्षीय महिलेने गळफास घेऊन आत्महत्या केल्याची घटना समोर आली होती. पोलिसांनी तपास केल्यानंतर विवाहितेचा भाऊ शेख इमरान शेख अशफाक कुरेशी (वय २५) व काका शेख मुश्ताक शेख बिस्मिल्ला कुरेशी (४१) यांना ताब्यात घेतले. पोलिसी खाक्यादाखविताच, त्यांनी गुन्हा कबूल केला महिलेचे अकोट फैल येथील एक युवकासोबत प्रेमसंबंध असल्याचे माहिती पडल्याने, तिला तिच्या घरून माहेर पाठवण्यात आले होते. त्यानंतर ती २३ नोव्हेंबरला घरून निघून गेली होती आणि दुसऱ्या दिवशी परत आली होती
