मुंबई : वृत्तसंस्था
राज्यातील अनेक ठिकाणी बेकायदेशीर कृत्य करीत असलेल्या व्यक्तीवर नेहमीच पोलीस प्रशासन कारवाई करीत असते. अशीच एक कारवाई नवी मुंबईतील एपीएमसी पोलीस ठाण्यात दोन महिलांना अमली पदार्थ तस्करीच्या आरोपाखाली अटक करण्यात आले, असून त्यांच्याकडून 3 लाख 66 हजार 960 रुपये किंमतीचे प्रतिबंधित औषध मेफेड्रोन जप्त केले आहे.
गुप्त माहितीच्या आधारे कारवाई करत एपीएमसी पोलिसांच्या काही अधिकाऱ्यांनी शुक्रवारी सायंकाळी एपीएमसी परिसरातून अमली पदार्थ तस्करीच्या आरोपाखाली अटक करण्यात आले आहे, आरोपी मंजू फारूक वय 30 वर्षे रशिदा शेख वय 37 वर्षे अशी अटक केलेल्या आरोपींची नावे असून पोलीस अधिक तपास करत आहेत. नवी मुंबईत गांजा गुटका प्रकरणी अनेकदा महिला आरोपींना अटक केले आहे. मात्र पहिल्यांदाच एम डी सारख्या अमली पदार्थ प्रकरणी भारतीय नागरिक असलेल्या महिलां आढळून आल्या आहेत. या पूर्वी अमली पदार्थ प्रकरणी आफ्रिका खंडातील देशातील या महिलांचा सहभाग आढळून आला होता.
