जळगाव : प्रतिनिधी
पाचोरा तालुक्यातील रहिवासी असलेल्या २४ वर्षीय तरुणीचा जळगाव शहरातील एका परिसरात सकाळी ८ वाजेच्या सुमारास विनयभंग केल्याची धक्कादायक घटना उघडकीस आली आहे. याप्रकरणी जळगावातील एकावर रामानंद नगर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार,जळगाव शहरातील एका भागात पाचोरा तालुक्यातील रहिवाशी २४ वर्षीय तरूणी वास्तव्यास असून दि. १५ ऑक्टोबर रोजी सकाळी साडेआठ वाजेच्या सुमारास संशयित आरोपी पुंडलीक पाटील याने तरूणीला अंगावर ओढून अश्लिल चाळे करत विनयभंग केला. हा प्रकार घडल्यानंतर तरूणीने रामानंद नगर पोलीस ठाण्यात धाव घेवून तक्रार दिली. त्यानुसार मंगळवारी १७ ऑक्टोबर रोजी मध्यरात्री साडेबारा वाजता संशयित आरोपी पुंडलीक काशीराम पाटील रा. जळगाव याच्या विरोधात रामानंद नगर पोलीस ठाण्यात गुन्हा दाखल करण्यात आला आहे. पुढील तपास पोहेकॉ प्रविण जगदाळे करीत आहे.
