सावदा : प्रतिनिधी
जळगाव जिल्ह्यातील बऱ्हाणपूर अंकलेश्वर महामार्गावरील सावदा शहरात दि.२९ रोजी संध्याकाळी ७ वाजून ३० मिनिटांनी साईबाबा मंदिराजवळ खाजगी बस आणि ट्रक यांच्या समोरासमोर धडक होऊन अपघात झाला.
मिळालेल्या माहितीनुसार, खाजगी बस मध्ये १८ प्रवासी असल्याचे समजते यापैकी खाजगी बस चालक चौधरी नामक व्यक्ती जखमी झाला असून त्यास आशीर्वाद हॉस्पिटल फैजपूर येथे दाखल आहे. प्रवाशांपैकी रावेर येथील १३ वर्षीय बालक किरकोळ जखमी झाला आहे.
यावेळी सावदा पोलीस घटनास्थळी दाखल होऊन वाहतूक सुरळीत करण्यात आली. दरम्यान याच रस्त्याच्या दुरुस्तीसाठी काही दिवसांपूर्वी येथील पत्रकारांनी आंदोलन केले होते व यावेळी नॅशनल हायवे च्या अधिकाऱ्यांनी येथे येऊन तात्काळ या रस्त्याचे दुरुस्तीचे आश्वासन दिले होते. अद्याप या कामास सुरूवात झाली नसून फक्त मुरूम आणून टाकून दिला असल्याने जनतेत नाराजी व्यक्त असून रस्ता व्यवस्थित पद्धतीने दुरुस्त करावा अशी अपेक्षा व्यक्त केली जात आहे.
