भुसावळ : प्रतिनिधी
जळगाव जिल्ह्यातील एका गावात असलेल्या व जिल्ह्यात प्रसिद्ध असलेल्या भुसावळ तालुक्यातील सुनसगावच्या सुदर्शन मिलमध्ये रविवारी सकाळी नऊ वाजेनंतर भीषण आग आग लागल्याने जिल्ह्यात खळबळ उडाली आहे.
मिळालेल्या माहितीनुसार, भुसावळ तालुक्यातील सुनसगावच्या सुदर्शन मिलमध्ये रविवारी सकाळी नऊ वाजेनंतर भीषण आग लागली आहे. एक-एक करीत आगीचा विळखा अनेक विभागांपर्यंत पोहोचला असून या आगीमुळे कोट्यवधी रुपयांची हानी झाल्याची भीती आहे. आगीचे कारण अस्पष्ट असून भुसावळसह जिल्ह्यातील अन्य पालिकांचे बंब आग विझवण्यासाठी दाखल झाले आहेत. आग विझवण्यासाठी भुसावळसह जळगाव जिल्ह्यातून अग्निशमन दलालाल पाचारण करण्यात आले असून अद्यापपर्यंत आगीवर नियंत्रण मिळालेले नसल्याचे सांगण्यात आले. आगीचे नेमके कारण अस्पष्ट असून घटनास्थळी पोलीस उपअधीक्षक कृष्णात पिंगळे यांच्यासह तालुका पोलिसांनी धाव घेतली आहे. सायंकाळी उशिरापर्यंत आगीचे कारण व नुकसानीचा आकडा समारे येणार आहे.
