जळगाव : प्रतिनिधी
पाचोरा तालुक्यातील नांद्रा येथील बसस्थानकासमोर उभे असलेल्या ईश्वर भिका पाटील (५५) या प्रौढास जळगावकडून, पाचोराकडे भरधाव वेगात असलेल्या चारचाकी वाहनाने रात्री ८:३० च्या सुमारास धडक दिल्याने ते गंभीर जखमी झाले होते.
येथील अशोका कंपनीच्या रुग्णवाहिकेने उपचारासाठी जिल्हा रुग्णालयात दाखल करण्यात आले होते. शुक्रवारी रात्री १२ च्या सुमारास त्यांचा मृत्यू झाला. येथील महामार्ग क्रमांक ७५३ चे काम झाल्यापासून रस्त्यावर भरधाव वेगाने वाहतूक सुरू असल्याने नेहमीच लहान मोठे अपघात होत असतात. अनेकवेळा गतिरोधकाची मागणी करण्यात आली आहे. या मागणीकडे दुर्लक्ष करण्यात आले आहे.
