प्रतिनिधी (प्रविण पाटील) सकाळी ४:.३०वाजता या परिसरात विजांच्या गडगडासह जोरदार झालेल्या पावसामुळे जळके विद्युत उपकेंद्राचा विज पुरवठा खंडीत झाला आहे.
त्यामुळे या विद्युत उपकेंद्राअंतर्गत येणारे जळके, वसंतवाडी,विटनेर,वराड,सुभाषवाडी व लोणवाडी येथील विजपुरवठा बंद आहे तरी सकाळी ९वाजेपासुन महावितरण कंपनीचे विद्युत कर्मचारी शिवाजी काळे, दिनेश पाटील व अमोल भगत हे झालेला बिघाड शोधण्याचा प्रयत्न करीत आहेत.
या कर्मचाऱ्यांना वनविभागाच्या हद्दीतील खांबावर काही पिनांची तुटफुट झालेली आढळून आली त्यांनी त्या पिना बदलल्या देखील मात्र तरीही विजपुरवठा सुरळीत झाला नाही हे कर्मचारी विद्युत पुरवठा सुरळीत व्हावा यासाठी प्रयत्नशील आहेत मात्र नेमका बिघाड झाला कोठे हे समजु शकले नाही.
त्यामुळे या विद्युत उपकेंद्राचा विज पुरवठा सुरळीत होण्यासाठी विलंब होऊ शकतो असे या कर्मचारी वर्गाकडून माहिती मिळत आहे.
जळक्यात महावितरण विद्युत उपकेंद्राची बत्ती गुल !
