नवी दिल्ली : वृत्तसंस्था
देशात सुरु असलेली कॉंग्रेसची भारत जोडो यात्रेला मोठा प्रतिसाद मिळत आहे. तर सध्या हि यात्रा पंजाबमध्ये सुरु असतांना मोठी दुर्दैवी घटना घडली आहे. यात्रेदरम्यान जालंधरचे काँग्रेसचे खासदार चौधरी संतोख सिंह यांचे निधन झाले. ते राहुल गांधीसोबत यात्रेत चालत होते. यादरम्यान, त्यांची प्रकृती खालावली.ल त्याना तात्काळ फगवाडा येथील रुग्णालयात नेण्यात आले. दरम्यान रुग्णालयात नेताना वाटेतच त्यांची प्राणज्योत मालवली असल्याचे डॉक्टरांनी सांगितले. त्यांना हृदयविकाराचा झटका आला आहे.
यानंतर राहुल गांधींनी भारत जोडो यात्रा काही काळासाठी थांबवली आहे. ही यात्रा आज लुधियानाच्या लाडोवाल टोल प्लाझा येथून फगवाड्याच्या दिशेने निघाली होती. त्यादरम्यान ही घटना सकाळी घडली. सकाळी 8.45 च्या सुमारास चौधरी संतोख सिंह यांची प्रकृती खालावली. त्यानंतर राहुल गांधीही त्यांना भेटण्यासाठी रुग्णालयात गेले. चौधरी संतोख सिंग हे 76 वर्षांचे होते. सकाळी 9 वाजेपर्यंत राहुल गांधींनी फिल्लौरमधील भटियानपर्यंतचा प्रवास पूर्ण केला होता. प्रवास टी-ब्रेकसाठी थांबवण्यात आला. टी-ब्रेकसाठी थांबलेले राहुल गांधी काही मिनिटे आत बसल्यानंतर काही काँग्रेस नेत्यांसह कारमध्ये निघून गेले. फिल्लौरच्या भटियान येथील नंबरदार प्रभज्योतसिंग यांच्या घराबाहेर ही यात्रा सद्या थांबविण्यात आली आहे.
