मुंबई : वृत्तसंस्था
राज्यात दोन दिवसापासून भाजप नेत्या चित्रा वाघ व अभिनेत्री उर्फी जावेद यांच्यामध्ये कपड्यांवरुन वाद सुरु आहे. यानंतर पुणे येथे एका पक्षाच्या नेत्याने उर्फीविरोधात तक्रार सुद्धा दिली आहे. आता या वादात आता शिवसेना नेत्या सुषमा अंधारे यांनी उडी घेतली आहे. इतकेच नव्हे तर त्यांनी उपमुख्यमंत्री देवेंद्र फडणवीस यांच्या पत्नी अमृता यांचा स्विमिंगपूलमधील फोटो शेअर केला आहे. आणि भली मोठी पोस्ट लिहिली आहे.
नंगटपणा हा कपड्यांपेक्षा विचार आणि भाषेमध्ये जास्त असतो. प्रसिद्धझोतात, चर्चेत राहण्या साठी जनतेच्या दैनंदिन जीवनाशी निगडित प्रश्न सोडून किती भरकट जाल. असा सवाल अंधारे यांनी उपस्थिती केला आहे.“अंग प्रदर्शन चूक की बरोबर या मुद्द्यावर नंतर कधीतरी बोलूया. पण जर पेहराव हा मुद्दा घेऊन एखाद्याला मारण्याची भाषा केली जात असेल तर ती जात धर्म किंवा विचारधारा बघून का केली जावी? उर्फी जावेद सारख्या अल्पसंख्याक समुदायातील महिलेला मारहाण करण्याची भाषा हा अधिकार तुम्हाला कोणी दिला?” असा सवालही अंधारे यांनी आपल्या फेसबुक पोस्टमधून केला आहे. सार्वजनिक ठिकाणी अश्लीलता पसरवल्याचा आरोप करत उर्फीविरोधात पोलीस ठाण्यात तक्रार दाखल करण्यात आली होती. दरम्यान, यानंतर उर्फी जावेदनंही त्यांना प्रत्युत्तर दिलं होतं.
