जळगाव : प्रतीनिधी
शहरासह परिसरामध्ये दहशत माजविणाऱ्या तीन गुन्हेगारांना शुक्रवारी जळगाव जिल्ह्यातून एक वर्षासाठी हद्दपार करण्यात आले आहे. याबाबतचे आदेश पोलिस अधीक्षक एम. राजकुमार यांनी काढले आहे.
यामध्ये सागरसिंग जीवनसिंग जन्नी (२८) रणजीतसिंग जीवनसिंग जुन्नी (२५) आणि शक्तिसिंग जीवनसिंग जुन्नी (२८, सर्व रा. राजीव गांधीनगर) असे हद्दपार केलेल्या गुन्हेगारांची नावे सागरसिंग, रणजीतसिंग आणि शक्तिसिंग यांच्याविरुद्ध रामानंदनगरसह जिल्हापेठ पोलिस ठाण्यात विविध गुन्हे दाखल आहेत. त्यामुळे त्यांचा हद्दपारीचा प्रस्ताव पाठविण्यात आला होता. या प्रस्तावाची चौकशी करण्यात आली. तिघे टोळीने राहून जळगाव शहरासह परिसरामध्ये दहशत पसरवितात.
