चाळीसगाव : प्रतिनिधी
चाळीसगाव शहरात महात्मा फुले यांचे स्मारक झालाच पाहिजे या निमित्ताने महत्त्वपूर्ण बैठक पार पडली आणि यावर आ.भुजबळ यांनी यावेळी मार्गदर्शन केले व स्मारक लवकरात लवकर कसा उभारला जाईल याबद्दल सल्ला दिला, त्याबद्दल चाळीसगाव तालुका व बहुजन समाज व महात्मा फुले स्मारक समिती यांच्यातर्फे माजी मंत्री आ.भुजबळ यांचे आभार व्यक्त करण्यात आले.
शहरातील महात्मा जोतिराव फुले यांचे स्मारक व्हावे यानिमित्ताने दि १४ रोजी माजी मंत्री छगनराव भुजबळ यांची चाळीसगाव येथील महात्मा जोतिराव फुले स्मारक समितीचे अध्यक्ष भीमराव खलाने, उपाध्यक्ष उमेश महाजन, सचिव एडवोकेट अविनाश जाधव, सदस्य भगवान महाजन, सदस्य एडवोकेट राहुल माळी, सदस्य यज्ञेश बाविस्कर यांनी भेट घेत चर्चा केली.
