कजगाव ता .भडगाव ;- येथे दिनांक ६ रोजी विजेच्या धक्क्याने वानराचे दुःखत निधन झाले होते वानराच्या दुःखत निधनाने संपूर्ण कजगावकरांनी तीन दिवसाचे सुतक पाळून एकतेचा संदेश दिला त्यामुळे संपूर्ण गावात तीन दिवसाचे सुतक पाळले गेले होते . तर आज दिन दिवसानंतर दशक्रिया विधी असल्याने कजगावातील तब्बल चारशे नागरीकांनी आपल्या डोक्याचे केस दान करून वानरराजांना श्रद्धांजली अर्पण करण्यात आली . तर ग्रामस्थांच्या वतीने लोकसहभागातून संपूर्ण गावाला दशक्रिया विधी निमित्ताने भोजनाचे आयोजन करण्यात आले होते . यावेळी नरेश पाटील निलेश पाटील ,भूषण पाटील, लालसिंग पाटील ,ईश्वर पाटील, राहुल पाटील, जयपाल पाटील सुभाष पाटील रवींद्र पाटील देवीदास महाजन मनु सोनार ईश्वर बोरसे अमोल जाधव महेंद्र पाटील सचिन पाटील कोमलसिंग पाटील मच्छिंद्र पाटील ,व असंख्य ग्रामस्थ मोठ्या संख्येने उपस्थित होते .
वानरराजांच्या दशक्रिया विधीला नाभिक समाजचेही योगदान
वानराचे अकाली निधन झाल्यामुळे आयोजित करण्यात आलेल्या दशक्रिया विधीला कजगाव येथील संपूर्ण सलून व्यवसायिकांनी मोफत केश कर्तन करून सहभाग घेतला होता संपूर्ण नाभिक समाज बांधवांनी हातात वस्तरा व कैंची घेऊन चारशे लोकांचे केस कत्रण कर्तन सहभाग घेतला होता.
