चाळीसगाव : प्रतिनिधी
आपल्या घरात झोपलेल्या महिलेच्या गळ्यातील सोन्याची लांबवल्याप्रकरणी अज्ञात चोरट्याविरुद्ध गुन्हा दाखल करण्यात आला आहे.
सविस्तर वृत्त असे की, ललिता अरुण चव्हाण (वय ४०, धंदा – गृहिणी, रा.शाहू नगर चाळीसगाव) यांनी पोलिसात फिर्याद दिली आहे. त्यानुसार ललिता ह्या ३१ ऑगस्ट रोजी आपल्या घरात नेहमी प्रमाणे झोपलेल्या होत्या. मध्यरात्री साधारण साडेतीन वाजेच्या सुमारास घराच्या खिडकीतून बाहेरुन हात घालून गळ्यातील १० हजार रुपये किंमतीची ३ ग्रॅम वजनाची सोन्याची पोत चोरून नेली. याप्रकरणी अज्ञात चोरट्याविरुद्ध गुन्हा दाखल करण्यात आला असून पुढील तपास पोहेकॉ अभिमन पाटील हे करीत आहेत.
