जळगाव (प्रतिनिधी) – शहरातील रामेश्वर कॉलनी मधील तुळजाई नगरातील भाजीपाला व्यवसाय करणाऱ्या महिलेची आज पहाटे निर्घृण हत्या करण्यात आली आहे. याबाबत एमआयडीसी पोलिस पुढील तपास करीत आहेत.
जळगाव शहरातील रामेश्वर कॉलनी मधील तुळजाई नगर मधील रमेश पुंडलिक वंजारी यांच्या घरात भाड्याने राहाणाऱ्या भाजीपाला व्यवसाय करणाऱ्या श्रीमती वंदना गोरख पाटील (वय42) हीचा आज पहाटे एका अज्ञात व्यक्तीने अज्ञात कारणारा वरुन डोक्यावर तिक्ष्ण हत्याराने हल्ला करुन निघृण हत्या केल्याची घटना उघडकीस आली आहे. या घटनेने परिसरात एकच खळबळ माजली आहे.
घटनेची माहिती मिळताच एमआयडीसी पोलिस स्टेशनेचे पोलीस अधिकारी व कर्मचारी घटनास्थळी धाव घेतली आहे. घटना घडली त्या घरात महिलेचा चेहरा छिन्नविच्छीन्न अवस्थेत आढळून आला आहे. एमआयडीसी पोलिसांचे पथक घटनास्थळी पोहोचले असून हल्लेखोरांचा शोध घेत आहेत.सदर महिलेचा पती हा मयत असुन तिच्या पश्चात्त मुलगा व सुन असा परिवार आहे. मुलगा हा कामा निमित्त लातुर येथे आहे. घटना नेमकी कशी घडली याबाबत पोलीस तपास करीत आहे.
