जळगाव : प्रतिनिधी
रुग्णवाहिका लावण्यावरून वाद होऊन रवी जयकारे (वय २२, रा. अजिंठा हौसिंग सोसायटी) या तरुणावर धारदार शस्त्राने वार करण्यात आला. यात तरुणाच्या हाताला गंभीर दुखापत झाली आहे. ही घटना सोमवार दि. ९ नोव्हेंबर रोजी शहरातील अजिंठा चौफुली परिसरात घडली. याप्रकरणी रात्री उशिरापर्यंत एमआयडीसी पोलिसात गुन्हा दाखल करण्याचे काम सुरु होते.
प्राथमिक माहितीनुसार, शहरातील अजिंठा चौफुली परिसरात आयोध्या नगरकडे जाणाऱ्या रस्त्याच्या अलीकडे रुग्णवाहिका लावलेली होती. त्यावरून दोन तरुणांमध्ये वाद झाला. त्यात रवी जयकारे या तरुणाच्या डोक्यावर धारदार शस्त्राने वार करत असताना त्याने हाताने तो रोखला. त्या वेळी त्याच्या हाताला गंभीर दुखापत झाली. तरुणाला शासकीय वैद्यकीय महाविद्यालय व रुग्णालयात दाखल करण्यात आले. प्राथमिक उपचार करून त्यास खासगी रुग्णालयात नेण्यात आले. या प्रकरणी एमआयडीसी पोलिस ठाण्यात गुन्हा दाखल करण्याचे काम सुरू होते.
