अमळनेर : प्रतिनिधी
शहरातील एका भागात दि. २९ रोजी संध्याकाळी साडेपाच वाजेच्या सुमारास महिलेचा विनयभंग करत तिला मारहाण करून पतीच्या डोक्यात बॅट मारून जखमी केल्याची घटना घडली. याप्रकरणी पोलिसात गुन्हा दाखल करण्यात आला आहे.
शहरातील एका भागातील महिला संध्याकाळी अंगण झाडण्यासाठी आली असता बाहेर उभा असलेला संशयित हा एकसारखे टक लावून तो डोळ्याने इशारा करत होता. महिलेने ही घटना त्याच्या पत्नीला सांगितली असता ते दोघे मागाहून महिलेच्या घरात घुसले आणि त्यांनी महिलेला मारहाण करीत तिचा विनयभंग केला. पीडित महिलेचा पती भांडण आवरायला गेले असता संशयिताने त्यांच्या डोक्यात बॅट मारण्याचा प्रयत्न केला तो वार महिलेच्या पतीने हातावर झेलल्याने दुखापत झाली. याप्रकरणी अमळनेर पोलिसात गुन्हा नोंदविण्यात आला असून तपास हेडकॉन्स्टेबल प्रमोद पाटील करीत आहेत.
