अमळनेर प्रतिनिधी । अमळनेर डेपोची बस इंदूरहून अमळनेर कडे येत असतांना नर्मदा नदीत कोसळल्याची धक्कादायक घटना समोर आली आहे. यात ४० प्रवासी असल्याचे प्राथमिक माहिती मिळाली आहे.
मध्यप्रदेशातील खरगोन आणि धार जिल्ह्याच्या सीमेनजीक नर्मदा नदीत इंदूरकडून अमळनेरकडे येणारी बस क्रमांक (एमएच ४० एन ९८४८) ही नदीपात्रात रात्री कोसळल्याची धक्कादायक घटना समोर आली आहे. सुमारे ४० प्रवासी असून यातील काही प्रवासी बेपत्ता झाल्याची प्राथमिक माहिती समोर आली आहे. दरम्यान, एस.टी. खात्याचे विभागीय नियंत्रक भगवान जगनोर यांनी या अपघाताला दुजोरा दिला आहे. या घटनेमुळे राज्यात खळबळ उडाली आहे.
