जळगाव : प्रतिनिधी
गोलाणी मार्केट परिसरात दुकानाजवळ येऊन टोळक्याने फिरोज खान सरदार खान (३६, रा. मुस्लीम कॉलनी, आकाशवाणी केंद्राच्या मागे) यांना दमदाटी करीत लाकडी काठीने मारहाण केली. ही घटना २७ जून रोजी घडली. याप्रकरणी शहर पोलिस ठाण्यात तीन ते चार अनोळखींविरुद्ध गुन्हा दाखल करण्यात आला आहे.
सविस्तर वृत्त असे कि, आकाशवाणी केंद्राच्या मागील बाजूस असलेल्या मुस्लीम कॉलनीतील रहिवासी फिरोज खान सरदार खान यांच्या दुकानाजवळ तीन ते चार जण आले व वाद घातला. तसेच शिवीगाळ करीत खान यांना लाकडी काठीने मारहाण केली. यामध्ये त्यांच्या हाताला आणि पाठीला गंभीर दुखापत झाली. याप्रकरणी फिरोज खान यांनी शहर पोलिस ठाण्यात फिर्याद दिली. त्यावरून गुन्हा दाखल करण्यात आला आहे. पुढील तपास पोहेकॉ. विरेंद्र शिंदे करीत आहेत.
