इंदौर : वृत्तसंस्था
देशभरातील अनेक महामार्गावर नियमित अपघाताच्या घटना सुरु असतांना एक भीषण अपघाताची घटना मध्यप्रदेश राज्यातून समोर आली आहे. मध्य प्रदेशातील झाबुआ येथील मेघनगर भागात रात्री उशिरा एक भीषण रस्ता अपघात झाल्याची माहिती समोर आली आहे. ज्यामध्ये ९ जणांचा जागीच मृत्यू झाला आहे.
सविस्तर वृत्त असे कि, राजस्थानहून सिमेंट घेऊन जाणारा ट्रक मारुती इको व्हॅनवर उलटला.अपघात एवढा भीषण होता कि इकोमध्ये असलेल्या ११ पैकी ९ जणांचा जागीच मृत्यू झाला असल्याचे सांगण्यात येत आहे. बुधवारी पहाटे ४ वाजण्याच्या सुमारास ही दुर्घटना घडली असल्याचे म्हटले जात आहे. मध्य प्रदेशातील झाबुआ जिल्ह्यात बुधवारी पहाटे सिमेंटने भरलेला ट्रेलर ट्रक व्हॅनवर उलटल्याने नऊ जणांचा मृत्यू झाला आणि इतर दोघे जखमी झाले. एजन्सीनुसार, पोलिसांनी सांगितले की, पहाटे २.३० च्या सुमारास एकाच कुटुंबातील मृत लग्न समारंभातून परतत असताना हा अपघात झाला.
झाबुआचे पोलिस अधीक्षक पद्मविलोचन शुक्ला म्हणाले, “मेघनगर तहसील क्षेत्राअंतर्गत संजेली रेल्वे क्रॉसिंगजवळील तात्पुरत्या रस्त्यावरून ट्रक बांधकामाधीन रेल्वे ओव्हर-ब्रिज (आरओबी) ओलांडत होता, तेव्हा त्याचा तोल गेला आणि तो व्हॅनवर उलटला.” त्यांनी सांगितले की या अपघातात नऊ जणांचा मृत्यू झाला आणि इतर दोघे जखमी झाले.
