जळगाव : प्रतिनिधी
लग्न जुळवणाऱ्या साईटवर ओळख होऊन धुळे येथील घटस्फोटीत महिलेला लग्नाचे आमिष दाखवत भेटायला बोलावून तिच्यावर बुलढाणा जिल्ह्यातील तरुणाने अत्याचार केल्याची घटना १८ मे रोजी जळगाव रेल्वे स्थानकाजवळील एका हॉटेलमध्ये घडली. या प्रकरणी विनोद शिवराम कुसळकर (रा. वडपुरा रामनगर, जि. बुलढाणा) याच्याविरुद्ध शहर पोलिसात गुन्हा दाखल झाला आहे.
सविस्तर वृत्त असे कि, धुळे येथील ३५ वर्षीय नोकरदार महिलेचा घटस्फोट झालेला आहे. तिची व विनोद कुसळकर याची लग्न जुळवणाऱ्या साईटवर ओळख झाली. तरुणाने या महिलेला लग्नाचे आमिष दाखवले. त्यानंतर तिला १८ मे रोजी जळगावात भेटायला बोलावले. दोघेही येथे आल्यानंतर रेल्वे स्थानकाजवळील एका हॉटेलमध्ये गेले. तेथे या तरुणाने महिलेवर अत्याचार केला. त्यानंतर मात्र लग्नाविषयी टाळाटाळ होऊ लागली. त्यामुळे संबंधित महिलेने १ जून रोजी शहर पोलिस ठाण्यात फिर्याद दिली.
