भुसावळ : प्रतिनिधी
शहरातील माहेर असलेल्या एका २९ वर्षीय विवाहितेवर पतीने बांधकाम व्यवसायासाठी माहेरून २५ लाख रुपये आणले नाहीत, या रागातून अनैसर्गिक बलात्कार केला. तसेच सासरे आणि नंदोई यांनीदेखील तिच्यावर बलात्कार केला. घडलेला प्रकार कोणाला सांगितला तर तुला तसेच तुझ्या भावाला आणि वडिलांनादेखील मारून टाकू, अशी धमकी दिली. या प्रकरणी यावल येथील पोलिस ठाण्यात सात जणांविरुद्ध गुन्हा दाखल करण्यात आला आहे.
सविस्तर वृत्त असे कि, शहरातील माहेर असलेल्या या तरुणीचा विवाह भुसावळ शहरातील तरुणासोबत झाला. पैशांसाठी तिचा वेळोवेळी छळ झाला. ११ ऑक्टोबर २०२० ते ९ ऑगस्ट २०२१ दरम्यान छळ करण्यात आला. या प्रकरणी यावल पोलिस ठाण्यात सात जणांविरुद्ध गुन्हा दाखल करण्यात आला आहे. पुढील तपास पोलिस निरीक्षक प्रदीप ठाकूर यांच्या मार्गदर्शनाखाली पोलिस उपनिरीक्षक सुनील मोरे करीत आहेत.
