जळगाव : प्रतिनिधी
चोरीच्या दुचाकी घेऊन फिरणाऱ्या दोन जणांना वेगवेगळ्या कारवायांमध्ये अटक करून त्यांच्याकडून एकूण चार दुचाकी हस्तगत करण्यात आल्या. यामध्ये चोरीची दुचाकी घेऊन जाणाऱ्या शोएब हबीब शाह (२६, रा. मास्टर कॉलनी) याला रामानंदनगर पोलिसांनी आकाशवाणी चौकातून अटक केली. त्याच्याकडून चोरीच्या तीन दुचाकी जप्त करण्यात आल्या.
मिळालेल्या माहितीनुसार, मू, जे. महाविद्यालय परिसरातून अफसर अहमद शेख मुनीर (रा. अलमास कॉलनी) यांची दुचाकी १८ नोव्हेंबर रोजी चोरीला गेली होती. या प्रकरणी रामानंदनगर पोलिस ठाण्यात गुन्हा दाखल करण्यात आला होता तपास सुरू असताना ही दुचाकी शोएब हबीब शहा याने चोरी केल्याची माहिती रामानंदनगर पोलिस ठाण्याचे निरीक्षक राजेंद्र गुंजाळ यांना मिळाली. त्यांनी कारवाईच्या सूचना दिल्या.
सहायक फौजदार संजय सपकाळे, पो.हे.कॉ. इरफान मलिक, सुशील चौधरी, जितेंद्र राजपूत, जितेंद्र तावडे, हेमंत कळसकर, पोलिस नाईक रेवानंद सोळुंखे, विनोद सूर्यवंशी, रवींद्र चौधरी, उमेश पवार, जुलालसिंग परदेशी यांनी चोरीची दुचाकी घेऊन जाणाऱ्या शोएब हबीब शहा याला अटक केली.
