पारोळा : प्रतिनिधी
वायरमन विकास रमेश पाटील (३२) हे रविवारी सायंकाळी पाचोरा-भडगाव रस्त्यावर झालेल्या भीषण अपघातात गंभीर जखमी झाले होते. त्यांच्यावर जळगाव येथील खाजगी रुग्णालयात उपचार सुरू असताना मंगळवारी निधन झाले.
मिळालेल्या माहितीनुसार, पारोळा तालुक्यातील तामसवाडी येथून काम आटोपून पाचोरा येथील घर काही अंतरावर असताना निर्मल सीड्सजवळ अज्ञात वाहनाने त्यांना जबर धडक दिली. त्यात त्यांचा एक पाय तुटून अपघातस्थळपासून २० फूट दूर फेकला गेला होता. डोक्यास व शरीरास गंभीर दुखापत झाल्याने ते गेल्या दोन दिवसांपासून मृत्यूशी झुंज देत होते. मंगळवारी दुपारी त्यांच्यावर काळाने झडप घातली. त्यांच्या पश्चात आई, वडील, पत्नी, मुलगी, मुलगा असा परिवार आहे.
