जळगाव : प्रतिनिधी
लहान मुलांच्या किरकोळ भांडणातून चौघांनी योगेश गौतम सपकाळे (वय २४, रा. शिवाजीनगर, हुडको) या तरुणाला लाकडी दांडक्यासह कुऱ्हाडीने वार करून गंभीर जखमी केले. ही घटना दि. २४ रोजी रात्री सव्वा दहा वाजेच्या सुमारास शिवाजी नगर हुडको परिसरात घडली.
याप्रकरणी अभय पेंढारकर, बबलू ऊर्फ सुकलाल पेंढारकर, अनिल पेंढारकर, सागर सोनवणे (सर्व रा. शिवाजीनगर, हुडको) यांच्याविरुद्ध गुन्हा दाखल करण्यात आला आहे. तपास हवालदार विजय निकुंभ करीत आहेत.
