मुक्ताईनगर : प्रतिनिधी
तालुक्यातील निमखेडी खुर्द येथील शेतकऱ्याने स्वतःच्या शेतात कर्जबाजारीपणाला कंटाळून विषारी द्रव सेवन करून आत्महत्या केली.
मिळालेल्या माहितीनुसार, मृत शेतकऱ्याचे नाव दामोदर तुकाराम चिखलकर कोळी (५३) असे आहे.दामोदर कोळी यांच्याकडे शेती आहे. गेल्या गेल्या काही वर्षांपासून निर्सगाच्या लहरीपणामुळे ते हताश झाले. गेल्य काही दिवसांपासून कर्ज कसे फेडायचे या विंवचनेत होते. बचत गटाचे व खासगी सावकाराचे कर्ज होते. २० रोजी त्यांनी शेतात काहीतरी विषारी द्रव सेवन केले. कुटुंबाच्या लक्षात आल्याने तातडीने त्यांना जळगाव येथील शासकीय रुग्णालयात उपचारासाठी दाखल केले. त्यांच्यावर उपचार सुरू असताना शुक्रवारी दुपारी बारा वाजता मृत्यू झाला. त्यांच्या पश्चात तीन मुले, पत्नी, सून असा परिवार आहे. त्यांच्यावर दोन लाख रुपयांपर्यंत कर्ज असल्याची माहिती नातेवाइकांनी दिली.
