जळगाव : प्रतिनिधी
चोपडा-शिरपूरदरम्यान शनिवारी सकाळी दोन चारचाकी वाहनांचा अपघात होऊन त्यात एका महिलेचा मृत्यू झाला आहे. याप्रकरणी चालकावर गुन्हा दाखल करण्यात आला असून, त्याला अटक करण्यात आली आहे. शेवकाबाई महादू भोई (५०, सेंधवा, मध्य प्रदेश) असे मयत महिलेचे नाव आहे.
मिळालेल्या माहितीनुसार, चोपडा-शिरपूर रस्त्यावर गलवाडे शिवारात ओंकारेश्वर महादेव मंदिराजवळ शनिवारी सकाळी ६:३० वाजण्याच्या दरम्यान वाहनास (जीजे ३४/एच२१५०) दुसऱ्या वाहनाने (आरजे२५/ जेए७६७४) मागून धडक दिली. या अपघातात शेवकाबाई महादू भोई (मध्य प्रदेश) या महिलेचा मृत्यू झाला. याप्रकरणी मोहम्मद अझरुद्दीन हाजी भरपूर खां (३१, राजस्थान) याच्याविरुद्ध ग्रामीण पोलिसांत गुन्हा दाखल करण्यात आला असून, त्याला अटक करण्यात आली आहे. पोउनि बापू सावंत तपास करत आहेत.
