जळगाव : प्रतिनिधी
लहान मुलाला मारत असल्याचा जाब विचारल्याचा राग आल्याने आजीज अक्रम खान (वय २७, रा. उस्मानिया पार्क) या तरुणाला मारहाण करीत त्याचे डोके भिंतीवर आपटले. यामुळे तरुण गंभीर जखमी झाल्याची घटना दि. १२ रोजी सायंकाळच्या सुमारास धनाजी काळे नगरात घडली. याप्रकरणी शहर पोलिसात गुन्हा दाखल करण्यात आला आहे.
मिळालेल्या माहितीनुसार, आजीम अक्रम खान हा तरुण वास्तव्यास असून तो ई कार्डचे पार्सल वाटपाचे काम करतो. दि १२ ऑक्टोंबर रोजी सायंकाळी ६ वाजेच्या सुमारास दुचाकीने धनाजी काळे नगरातील पार्सल वाटप करण्यासाठी गेला. याठिकाणी एक जण लहान मुलाला मारहाण करीत होता. दरम्यान, आजीम याने त्या इसमाला मुलाला का मारतोय अशी विचारणा केली. त्याचा राग आल्याने त्या इसमाने आजीम याला शिवीगाळ करीत मारहाण करण्यास सुरुवात केली. यावेळी त्या इसमाने आजीमच्या नाकावर बुक्का मारुन त्याचे डोके भिंतीवर आपटले. यामध्ये तरुण गंभीर जखमी झाला. परिसरातील नागरिकांनी तात्काळ गंभीर जखमी झालेल्या तरुणाला शासकीय रुग्णालयात दाखल केले
