धरणगाव प्रतिनिधी । शहरातील बिजासनी जिनींगच्या मागे रेल्वेच्या धक्क्याने ४० वर्षीय तरूणाचा जागीच मृत्यू झाल्याची घटना उघडकीला आली आहे. याप्रकरणी धरणगाव पोलीस ठाण्यात अकस्मात मृत्यूची नोंद करण्यात आली आहे.
सुत्रांकडून मिळालेल्या माहितीनुसार, चोपडा येथील महात्मा फुले नगर नागलवाडी रोड परिसरातील रोहिदास आधार माळी (वय 40) यांचा आज दुपारी अडीच वाजेच्या सुमारास मालक गाडीच्या धक्क्याने जागीच मृत्यू झाल्याची घटना उघडकीला आली आहे. हा अपघात धरणगाव चावलखेडा डाऊन लाईनवर बिजासनी जिनिंगच्या मागे घडला. घटनेची माहिती मिळाताच धरणगाव पोलीसांनी घटनास्थळी धाव घेवून पंचनामा केला. मृतदेह धरणगाव ग्रामीण रूग्णालयात आणण्यात आला आहे. यासंदर्भात धरणगाव पोलीस स्थानकात अकस्मात मृत्यूची नोंद करण्यात आली असून पुढील तपास पोलीस निरीक्षक शंकर शेळके यांच्या मार्गदर्शनाखाली पोहेका करीम सय्यद करीत आहे.
