पारोळा : प्रतिनिधी
एका गावातील अल्पवयीन युवतीस एका युवकाने फूस लावून मध्यरात्रीच्या सुमारास पळवून नेल्याची घटना घडली. याबाबत दोघांनाही पोलिसांनी पकडले असता दोन्ही अल्पवयीन असल्याचे निदर्शनास आले. या युवकावर बलात्काराचा गुन्हा दाखल करण्यात आला आहे.
मिळालेल्या माहितीनुसार, पारोळा तालुक्यातील एका गावातील अल्पवयीन युवतीस दि. २७ रोजी मध्यरात्रीच्या सुमारास एका युवकाने मध्यरात्रीच्या सुमारास फूस लावून पळवून नेल्याची घटना घडली होती.
याबाबत पारोळा पोलिस स्टेशनला गुन्हा दाखल करण्यात आला होता. पोलिसांनी दोघांचा शोध घेतला असता पोलिस उपनिरीक्षक अमरदीप वसावे व त्यांच्या टीमने त्यांना नंदुरबार जिल्ह्यातील धडगाव येथून पकडले. मंगळवारी त्यांची वैद्यकीय तपासणी करून सखोल चौकशी केली असता युवकाने युवतीवर बलात्कार केल्याचे निष्पन्न झाले. त्यामुळे या अल्पवयीन युवकावर बलात्काराचा गुन्हा दाखल करण्यात आला. त्याला अटक करून बालसुधारगृहात रवानगी करण्यात आली आहे. तपास पोलिस उपनिरीक्षक अमरदीप असावे करीत आहेत.
