जळगाव : प्रतिनिधी
शहरातील एका भागातून पंधरा वर्षीय अल्पवयीन मुलीला कोणीतरी अज्ञात व्यक्तीने फूस लावून पळवून नेले. ही घटना दि. ११ जून रोजी उघडकीस आली. याप्रकरणी तीन महिन्यानंतर मुलीच्या कुटुंबियांनी दिलेल्या तक्रारीवरुन अज्ञात व्यक्तीविरुद्ध अपहरणाचा गुन्हा दाखल करण्यात आला आहे.
मिळालेल्या माहितीनुसार, जळगाव शहर पोलीस ठाण्याच्या हद्दीत पंधरा वर्षीय अल्पवयीन मुलगी आपल्या कुटुंबियांसह वास्तव्यास आहे. दि. १० जून रोजी रात्रीच्या सुमारास कोणीतरी अज्ञात व्यक्तीने त्या मुलीला कशाचे तरी अमिष दाखवून पळवून नेले. ही घटना दुसऱ्या दिवशी उघडकीस आल्यानंतर तिच्या कुटुंबियांनी तीचा सर्वत्र शोध घेतला. मात्र तरी देखील मुलगी मिळून येत नव्हती. दरम्यान, तीन महिन्यानंतर मुलीच्या आईने शहर पोलिसात तक्रार दिली. त्यानुसार अज्ञात व्यक्तीविरुद्ध अपहरणाचा गुन्हा दाखल करण्यात आला आहे. पुढील तपास पोहेकॉ प्रकाश पाटील हे करीत आहे.
