धरणगाव : प्रतिनिधी
माजी राष्ट्रपती भारतरत्न डॉ. सर्वपल्ली राधाकृष्णन यांच्या जन्मदिनाचे औचित्य साधून दिनांक 5 सप्टेंबर 2024 रोजी पी.आर.हायस्कूल सोसायटीचे, कला, वाणिज्य आणि विज्ञान महाविद्यालयात राष्ट्रीय सेवा योजनेच्या स्वयंसेवकांनी शिक्षकाची भूमिका बजावून शिक्षकांचा सन्मान दिवस उत्साहात साजरा करण्यात आला.
या कार्यक्रमाच्या अध्यक्षस्थानी कनिष्ठ महाविद्यालयाचे पर्यवेक्षक प्रा. डी. डी. पाटील हे होते. त्यांनी विद्यार्थ्यांना पुढील वाटचालीसाठी मार्गदर्शन केले. एन. एस. एस. कार्यक्रम अधिकारी प्रा. एस. झेड. पाटील, सहाय्यक कार्यक्रम अधिकारी प्रा. एन. डी. सोनवणे, प्रा. सौ. के. आर. महाजन, प्रा. अमित बागुल यांनी कार्यक्रम यशस्वी केला. कार्यक्रमाचे सूत्रसंचालन प्रा.सौ.प्राजक्ता पाटील यांनी केले तर आभार प्रा.भाग्यश्री जाधव यांनी मानले. कार्यक्रमास कनिष्ठ महाविद्यालयातील सर्व प्राध्यापक बंधू-भगिनी यांची उपस्थिती होती. कार्यक्रमासाठी सुजित जैन, किरण सुतारे, घनश्याम पाटील,गजानन देसले , सुरज वाघरे, दीपक पाटील, दुर्गेश पाटील यांनी सहकार्य केले.
