पाचोरा : प्रतिनिधी
बीएसएनएल कार्यालयाच्या मागील खिडकीचे गज तोडून चोरट्यांनी बॅटरी केबल व इतर साहित्य चोरून नेले. ही घटना शनिवारी रात्री घडली. यात एकास अटक करण्यात आली आहे. या प्रकरणी सलमान शेरू पिंजारी (२१, रा. कुर्बान नगर, पाचोरा, ह.मु, जळगाव) यास अटक करण्यात आली. दुसरा पसार आहे.
मिळालेल्या माहितीनुसार, सारोळा रोडवरील बीएसएनएल कार्यालयाच्या मागील खिडकीचे गज तोडून चोरट्यांनी आत प्रवेश केला यात अज्ञात चोरट्यांनी दहा हजार रुपये किमतीची बॅटरी, दोन हजार रुपये किमतीचे ट्रान्सफॉर्मर, तीन हजार रुपये किमतीची तांब्याची तार असा पंधरा हजार रुपये किमतीचा ऐवज चोरून नेला. वॉचमन शरद पाटील यांनी फिर्याद दिली. त्यावरून पाचोरा पोलिसात गुन्हा दाखल झाला होता दरम्यान, यातील सलमान पिंजारी यास अटक करण्यात आली. त्याने जावेद उर्फ जाबिरबलू पिंजारी (२१, रा. कुर्बाननगर, पाचोरा) याच्या मदतीने चोरी केल्याची कबुली दिली. परंतु तो पसार झाला आहे. सलमान यास एक दिवसाची पोलिस कोठडी सुनावण्यात आली. त्याच्याकडून मुद्देमाल हस्तगत करण्यात आला आहे.
