एरंडोल : प्रतिनिधी
शिपायाकडून दहा हजाराची लाच घेताना निपाणे येथील मुख्याध्यापकास लाचलुचपत प्रतिबंधक विभागाच्या पथकाने रंगेहाथ पकडले. ही कारवाई गुरुवारी करण्यात आली.
सविस्तर वृत्त असे कि, थकीत वेतनातील फरकाची रक्कम मंजूर करण्यासाठी निपाणे येथील मुख्याध्यापक संदीप प्रभाकर महाजन (४४) यांनी शिक्षण विभागाकडे प्रस्ताव पाठविला होता. या कामासाठी कमिशन म्हणून त्यांनी १२,५०० रुपये लाच मागितली होती. तडजोडीनंत दहा हजार लाच देण्याचे ठरले होते दरम्यान, संबंधित शिपायाने याबाबत लाचलुचपत प्रतिबंधक विभागाकडे तक्रार केली. या तक्रारीनुसार पथकाने २७ रोजी निपाणे येथील शाळेत मुख्याध्यापकाच्या कार्यालयात सापळा रचला होता. यावेळी लाच घेताना महाजन यांना अटक करण्यात आली. ही कारवाई पर्यवेक्षक अधिकारी सुहास देशमुख, पोलीस उपअधीक्षकअमोल वालझाडे पीएसआय दिनेशसिंग पाटील व पोलिस नाईक बाळू मराठे यांनी केली
