चोपडा : प्रतिनिधी
तालुक्यातील एका गावातील रहिवासी असलेल्या संतोष जगन्नाथ धीवर (वय ४९) याने १७ वर्षीय अल्पवयीन मुलीचा विनयभंग केल्याची घटना घडली आहे. या प्रकरणी २५ रोजी दुपारी अल्पवयीन मुलीच्या फिर्यादीवरून चोपडा ग्रामीण पोलीस ठाण्यात संतोष धीवर याच्याविरुद्ध कलम ३५४ प्रमाणे गुन्हा दाखल करण्यात आला आहे.
सविस्तर वृत्त असे कि, आरोपी संतोष धीवर हा पीडितीला वारंवार घराच्या छतावर बोलून तिचा विनयभंग करत होता. तसेच तुझे फोटो इतरांना दाखवून, बदनामी करेल, नाहीतर तुला मारून टाकेल, अशी धमकी ही देत होता. या जाचाला कंटाळून अल्पवयीन पीडित फिर्यादीने २५ रोजी दुपारी २ वाजेच्या सुमारास या घटनेबाबत चोपडा ग्रामीण पोलीस ठाण्यात येऊन गुन्हा नोंदवला आहे. यावरून संतोष धीवर या आरोपीस पोलिसांनी ताब्यात घेतल आहे
