वरणगाव : प्रतिनिधी
येथून जवळच असलेल्या एका गावातील २५ वर्षीय महिलेचा विनयभंग केल्याप्रकरणी ४० वर्षीय व्यक्तीवर अॅट्रोसिटीसह विनयभंगाचा गुन्हा दाखल करण्यात आला आहे.
मिळालेल्या माहितीनुसार, ही महिला बकऱ्या चारण्यास गेली असता, संशयित आरोपी अजय कैलास पाटील (वय ४०, रा. पिंपळगाव खुर्द) याने १९ रोजी बुधवारी सकाळी साडेआठ वाजण्याच्या सुमारास या महिलेला अश्लील बोलला. याबाबत महिलेच्या फिर्यादीवरून वरणगाव पोलिस ठाण्यात गुन्हा दाखल करण्यात आला आहे. पुढील तपास फैजपूर विभागीय पोलिस अधिकारी अन्नपूर्णा सिंह करीत आहेत. दरम्यान, आरोपीस लोकांनी जबर मारहाण केल्याने तो जखमी झाला आहे. त्यास जळगाव येथील रुग्णालयात दाखल करण्यात आले आहे.
