चाळीसगाव : प्रतिनिधी
शहरात गांजा विक्री करणाऱ्या इसमाकडून सुमारे १० लाख ६ हजार ३०० रुपये किमतीचा ५० किलो ३१५ ग्रॅम गांजा व गुन्ह्यात वापरलेले वाहन, असा एकूण २२ लाख ६ हजार ३०० रुपये किमतीचा मुद्देमाल मिळून आला असून, तो पोलिसांनी जप्त केला आहे. ही कारवाई १६ रोजी करण्यात आली. या कारवाईने एकच खळबळ उडाली आहे.
मिळालेली माहिती अशी की, अशोक भरतसिंग पाटील (५४, शिक्षक कॉलनी, चाळीसगाव) हा चाळीसगाव शहरामध्ये गांजा विक्री करत असल्याबाबत माहिती मिळाल्याने पोलिस निरीक्षक संदीप पाटील, जितेंद्र धनराळे निवासी नायब तहसीलदार, पोउनि सुहास आव्हाड, पोहेकॉ सुभाष घोडेस्वार, राहुल भीमराव सोनवणे, विनोद विठ्ठल भोई, पोना महेंद्र प्रकाश पाटील, पोकॉ आशुतोष दिलीप सोनवणे, ज्ञानेश्वर हरी पाटोळे, पवन कृष्णा पाटील, विजय रमेश पाटील, ज्ञानेश्वर विलास गिते. मनोज मोरसिंग चव्हाण, राकेश मुरलीधर महाजन, रवींद्र निंबा बच्छे, महिला पोकों स्नेहल मांडोळे, अनिकेत जाधव, प्रवीण जगन्नाथ वाणी (चाळीसगाव) यांनी अशोक पाटील याच्याकडून १० लाख ६ हजार ३०० रुपये किमतीचा ५० किलो ३१५ ग्रॅम गांजा व गुन्ह्यात वापरलेले वाहन, असा एकूण २२ लाख ६ हजार ३०० रुपये किमतीचा मुद्देमाल जप्त केला. त्याच्याविरुद्ध गुन्हा दाखल करण्यात आला आहे. तपास पोलिस उपनिरीक्षक सुहास आव्हाड व पोकों उज्ज्वलकुमार म्हस्के करीत आहेत
