अमळनेर : प्रतिनिधी
रिल्स बनवून व्हायरल केल्याने तीन जणांना मारहाण करण्यात आली. याप्रकरणी पाच जणांविरुद्ध गुन्हा दाखल करण्यात आला आहे. ही घटना शनिवारी सायंकाळी पाच वाजेच्या सुमारास गरीब नवाज चौकात घडली.
सविस्तर वृत्त असे कि, मिल चाळ येथील हर्षलसिंग ठाकूर, राजेश खरारे व दुर्गेश सोनवणे तिघे जण दुचाकीने गांधलीपुरा भागात जात होते. त्याचवेळी गरीब नवाज चौकात सलमान खान रफा, आकीब अली सय्यद, सोहिल शेख सोडेवाला, नवाज खाटीक व एजाज पठाण या पाच जणांनी त्यांची दुचाकी थांबवत दोघांना खाली ओढत मारहाण केली. रिल्स बनवून व्हायरल करतात, असे म्हणून अश्लील शिवीगाळ केली. हर्षलसिंग यालाही दुचाकीवरून खाली ओढत सलमान खान याने वीट व लोखंडी रॉडने मारहाण केली. पाचही जण लाकडी काठी, लोखंडी रॉड व विटांनी तिघांना मारहाण करीत होते. त्याचवेळी राजेश खरारेची आई रजनी खरारे व बहीण लक्ष्मी सुनील खरारे हे भांडण सोडविण्यासाठी आले असता, त्यांनाही मारहाण करण्यात आली.
