जळगाव : प्रतिनिधी
शहरातील सरोदे हॉस्पिटलच्या गेटसमोरून एका तरूणाची दुचाकी अज्ञात चोरट्यांनी चोरून नेल्याची घटना बुधवार १२ जून रोजी सायंकाळी ६.३० वाजता समोर आली आहे. याप्रकरणी गुरूवार १३ जून रोजी रात्री १० वाजता जिल्हापेठ पोलीस ठाण्यात गुन्हा दाखल करण्यात आला.
सविस्तर वृत्त असे कि, हरीश राजेश निकुंभ (वय २९) रा. सुधाकर नगर, जळगाव हे आपल्या कुटुंबासह वास्तव्याला आहे. खासगी नोकरी करून ते आपला उदरनिर्वाह करतात. बुधवारी १२ जून रोजी सायंकाळी ६ वाजेच्या सुमारास ते जळगाव शहरातील सरोदे हॉस्पिटले येथे दुचाकी क्रमांक एमएच १९ डीके ९६८२ ने आलेले होते. त्यावेळी त्यांनी दुचाकी ही हॉस्पिटलच्या समोर पार्कीगला लावलेली होती. दरम्यान अज्ञात चोरट्यांनी ही दुचाकी चोरून नेली. ही घटना समोर आल्यानंतर त्याने दुचाकीचा सर्वत्र शोध घेतला परंतू कोणतीही माहिती मिळाली नाही. अखेर त्याने गुरूवारी १३ जून रोजी जिल्हापेठ पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला. पुढील तपास महिला पोलीस नाईक सुवर्णा तायडे हे करीत आहे.
