जळगाव : प्रतिनिधी
तालुक्यातील लोणवाडी गावातील एका भागात राहणाऱ्या महिलेच्या घरात घुसून तिच्यासोबत अंगलट करून विनयभंग केल्याचा धक्कादायक प्रकार १२ जून रोजी रात्री ११ वाजता समोर आला आहे. याप्रकरणी गुरूवारी १३ जून रोजी रात्री ९ वाजता एमआयडीसी पोलीस ठाण्यात एकावर गुन्हा दाखल करण्यात आला.
सविस्तर वृत्त असे कि, तालुक्यातील लोणवाडी गावातील एका भागात २२ वर्षीय महिला ही आपल्या कुटुंबासह वास्तव्याला आहे. १२ जून रोजी रात्री ११ वाजता त्याच गावात राहणारा संशयित आरोपी मिलीन हा महिलेच्या घराच्या खिडकीतून आत प्रवेश केला. त्यानंतर महिलेशी अंगलट करून अश्लिल कृत्य करत तिचा विनयभंग केला. या घटनेनंतर महिलेने एमआयडीसी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून गुरूवार १३ जून रोजी रात्री ९ वाजता एमआयडीसी पोलीस ठाण्यात संशयित आरोपी मिलीन याच्या विरोधात गुन्हा दाखल करण्यात आला. पुढील तपास पोहेकॉ स्वप्निल पाटील हे करीत आहे.
