यावल : प्रतिनिधी
वन विभागाने केलेल्या धडक कारवाईत अवैधरीत्या कटाई केलेल्या लाकडाची वाहतूक करताना चारचाकी वाहनासह लाखांचा माल जप्त करण्यात आला वाहनचालकास ताब्यात घेण्यात आले आहे.
सविस्तर वृत्त असे कि, दि. ११ जून रोजी रात्रीच्या सुमारास वन विभागास मिळालेल्या गुप्त माहितीच्या आधारावर वनविभागाने सापळा रचून यावल शहरातील फैजपूर रस्ता मनुदेवी मंदिराजवळ टाटा कंपनीचे ३११८ या वाहन क्रमांक एमएच १८ बीजी २१५३ या चारचाकी वाहनाची चौकशी केली असता या मध्ये विनापरवाना अवैध लाकूड भरलेले दिसून आले, वाहनचालकाकडे लाकूड वाहतुकीसंदर्भात परवाना मिळून आला नाही. यावेळी वन गुन्हा घडल्याचे निदर्शनास आल्याने चारचाकी वाहन मुद्देमालासह लाखांचा अवैधरीत्या कटाई केलेला लाकूड पुढील चौकशीसाठी ताब्यात घेऊन शासकीय मुख्य विक्री केंद्र यावल येथे आणून जमा केले. निम जळाऊ लाकूड घ.मी. ३५,०० मिळून आले. वनविभागाने या गुन्हेप्रकरणी भारतीय वन अधिनियम १९२७चे कलम ४१ (२) ब, ४२,५२ अन्वये गुन्हा नोंदविण्यात आला आहे.
या कार्यवाहीत आनंदा पाटील, वनपरिक्षेत्र अधिकारी संरक्षण व अतिक्रमण निर्मूलन यावल, रमेश थोरात वनपाल, रानुदास जाधव वनपाल, आनंद तेली, वाहन चालक यांच्या पथकाने यात सहभाग घेतला. ही कारवाई ही नीनू सोमराज वनसंरक्षक धुळे (प्रा), जमीर शेख उपवनसंरक्षक यावल वनविभाग जळगाव, राजेंद्र सदगीर विभागीय वनाधिकारी दक्षता पथक धुळे, प्रथमेश हाडपे सहायक वन संरक्षक प्रादेशिक व कॅम्पा यावल यांचे मार्गदर्शनाखाली करण्यात आली.
