चाळीसगाव : प्रतिनिधी
शहर पोलिसांच्या पेट्रोलिंग व रेकॉर्डवरील आरोपीची घरझडती सुरू असताना एकाच्या घरात ३ धारदार हत्यारे सापडली. या आरोपीला ताब्यात घेण्यात आले आहे. ही कारवाई सोमवारी रात्री करण्यात आली.
सविस्तर वृत्त असे कि, चाळीसगाव शहर पोलिस स्टेशन हद्दीत पेट्रोलिंग करतानाच रेकॉर्डवरील गुन्हेगारांच्या घराची झडती घेण्याची मोहीम राबविण्यात आली होती. पोलिस निरीक्षक संदीप पाटील यांना माहिती मिळाली की, समाधान बळीराम निकम (शिव कॉलनी, जुना मालेगाव रोड, चाळीसगाव) याने त्याच्या घरात कोयता व सुऱ्यासारखे धारदार हत्यार ठेवले आहेत.या माहितीच्या आधारे त्याच्या घराची झडती घेण्यात आली. त्याच्या घराच्या बैठक रूममधील लोखंडी पलंगाच्या बॉक्समध्ये लोखंडी धारदार कोयता व दोन लोखंडी सुरे, अशी एकूण ३ धारदार हत्यारे सापडली. ही तिन्ही हत्यारे जप्त करण्यात आली आहेत.
या इसमाविरुद्ध पोकों आशुतोष दिलीप सोनवणे यांच्या फिर्यादीवरून गुन्हा दाखल करण्यात आला आहे. ही कारवाई पोलिस निरीक्षक संदीप पाटील यांच्या मार्गदर्शनाखाली पोहेकॉ राहुल सोनवणे, पोना भूषण पाटील, पोकों विजय पाटील, समाधान पाटील, पवन पाटील, ज्ञानेश्वर गिते, ज्ञानेश्वर पाटोळे, मनोज चव्हाण यांच्या पथकाने केली आहे. गुन्ह्याचा पुढील तपास पोहेकॉ राहुल सोनवणे व ज्ञानेश्वर पाटोळे करीत आहेत.
