नवी दिल्ली : वृत्तसंस्था
देशातील अनेक शहरात गुन्हेगारी घटना सातत्याने घडत असतांना एक धक्कादायक घटना उत्तराखंडच्या देहराडून या शहरातून समोर आली आहे. पत्नीसोबत झालेल्या भांडणानंतर नवरा त्याच्या मैत्रिणीच्या घरी झोपायला गेला होता. पण, सकाळी तो उठलाच नाही. मैत्रिणीने पाहिल्यानंतर त्याचा मृत्यू झाल्याचे समजले. मैत्रिणीने त्याची पत्नी आणि कुटुंबीयांना फोन करून सांगितले. या घटनेमुळे कुटुंबियांना धक्का बसला असून, चौकशीची मागणी केली जात आहे.
युवकाच्या कुटुंबीयांच्या तक्रारीवरून पोलिसांनी गुन्हा दाखल केला आहे. नैनिताल जिल्ह्यातील हल्दवानीमध्ये ही धक्कादायक घटना उघडकीस आली आहे. अझीम (वय ३०) हा मैत्रिणीच्या घरी झोपायला गेला होता. पण, दुसऱ्या दिवशी सकाळी त्याचा लटकलेल्या अवस्थेत मृतदेह आढळून आला. त्याच्यासोबत राहणाऱ्या महिलेने याबाबत मित्राची पत्नी, दाजी आणि पोलिसांना फोनवरून माहिती दिली. अझीमची आई तारा बी यांनी महिलेवर हत्येचा आरोप केला आहे. पोलिस पुढील तपास करत आहेत. दरम्यान, घटनास्थळी पोहोचलेल्या पोलिसांना महिलेने ती अझीमची पत्नी म्हणून असल्याचे सांगितले. शवविच्छेदनाचा अहवाल हाती आल्यानंतर पोलिस पुढील कारवाई करणार आहेत.
