नाशिक : वृत्तसंस्था
राज्यातील अनेक ठिकाणी अपघाताच्या घटना घडत असतांना नुकतेच नांदूर शिंगोटे पुणे येथून नाशिककडे येत असलेल्या खासगी बसचालकाचे नियंत्रण सुटल्याने बस पुलावरून दहा ते पंधरा फूट कोसळून अपघात झाला. यामध्ये १ ठार, तर ३३ प्रवासी जखमी झाले.
सविस्तर वृत्त असे कि, सिन्नर तालुक्यातील गोंदे फाटा परिसरात रविवारी पहाटे पाच वाजेच्या सुमारास हा अपघात झाला. अपघातातील मृताचे नाव कश्यप मुकेशभाई पाठक (३५, रा. अहमदाबाद) असे आहे.पोलिस सुत्रांच्या माहितीनुसार, महाकाली ट्रॅव्हल्सची खासगी आराम बस शनिवारी मध्यरात्रीच्या सुमारास १:०० वाजता पुण्याहून नाशिककडे जात होती. सिन्नर तालुक्यातील गोंदे शिवारात पहाटे ५:०० वाजेच्या सुमारास चालकाचे नियंत्रण सुटल्याने बस पुलाच्या लोखंडी अँगलल धडकून दोन ते तीन वेळा उलटली व दहा ते पंधरा फूट कडेला असलेल्या सर्व्हिसरोडवर जाऊन उभी राहिली. १५ ते २० फूट खोल कोसळल्याने बसचा अक्षरशः चेंदामेंदा झाला.
