वरणगाव : प्रतिनिधी
शहराजवळ अज्ञात दोन चोरट्यांनी मोटार सायकलस्वारास अडवुन २ हजार ६०० रुपये लंपास केले. ही घटना दि. ९ एप्रिल रोजी रात्री अकरा वाजता महामार्गावरील नागराणी पेट्रोल पंपाजवळील फॅक्टरी हतनूर जाणाऱ्या रस्त्यावर घडली. याप्रकरणी वरणगाव पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील मुक्ताईनगर तालुक्यातील नायगाव येथील नितीन पंडीत गाढे हे किन्हीहुन कार्यक्रम आटोपून मुक्ताईनगर जात होते. यावेळी वरणगावच्या पुढे नागराणी पंपाच्या जवळ अज्ञात मोटार सायकल स्वारांनी त्यांना पेट्रोल मागण्याचा बहाना करून त्यांची गाडीसमोर गाडी आडवी लावली. त्यांनी हेल्मेट वर दगड मारला व खिशातून २ हजार ६०० रुपये काढून पसार झाले. याप्रकरणी वरणगाव पोलीस स्टेशनला नोंद करण्यात आली असून पेट्रोलिंग करणाऱ्या कर्मचाऱ्यांची गस्त वाढवुन रस्त्यावर सुरक्षा द्यावी अशी मागणी गाढे यांनी केली आहे.
