जळगाव : प्रतिनिधी
भारतीय जनता पार्टीने जळगाव लोकसभा मतदारसंघात भाजपचे विद्यमान खासदार उन्मेश पाटील यांचे भाजपने तिकीट कापून स्मिता वाघ यांना उमेदवारी दिली. उन्मेश पाटील नाराज होऊन शिवसेना उद्धव बाळासाहेब ठाकरे पक्षाच्या वाटेवर असल्याची चर्चा गेल्या काही दिवसापासून सुरू होती. आज खासदार उन्मेश पाटील यांनी खासदार पदाचा राजीनामा देत शिवसेनेत मातोश्रीवर जाऊन उद्धव ठाकरे यांच्या हाताने शिवबंध बांधून पक्ष प्रवेश केला आहे. उद्धव ठाकरे यांनी करण पवार यांची उमेदवारी जाहीर केली आहे.
जळगाव लोकसभा मतदारसंघात स्मिता वाघ यांना भाजपने उमेदवारी देऊन विद्यमान खासदार पाटील यांचा पत्ता कट केला होता. त्यामुळे ते भाजपच्या नेतृत्वावर नाराज होत आज ते शिवसेनेच्या शिवबंध मनगटावर बांधला आहे. उद्धव ठाकरे यांनी पारोळाचे करण पवार यांना जळगाव लोकसभा मतदारसंघात उद्धव बाळासाहेब ठाकरे गटाकडून तिकीट जाहीर केले आहे. आता भाजप व शिवसेना यांच्या चुरशीचा सामना पाहायला मिळणार आहे.
