जळगाव : प्रतिनिधी
लोकसभा निवडणुकीच्या पार्श्वभूमीवर राज्यातील सनदी अधिकाऱ्यांच्या बदल्या मंगळवारी करण्यात आल्या. यात, धुळे जिल्हा परिषदेचे सीईओ शुभम गुप्ता यांची जळगाव जिल्हा परिषदेच्या सीईओपदी नियुक्ती करण्यात आली. तर, जळगाव जिल्हा परिषदेचे सीईओ अंकित यांची बुलढाणा जिल्हा परिषदेच्या मुख्य कार्यकारी अधिकारी पदावर नियुक्ती झाली आहे. जळगावच्या मनपा आयुक्त डॉ. विद्या गायकवाड यांचीही बदली झाली असून त्यांना पदस्थापना देण्यात आलेली नाही.
अंकित गेल्या ९ महिन्यांपूर्वीच जळगाव जि.प.त रूजू झाले होते. आठवड्यापासून त्यांच्या बदलीची चर्चा सुरू होती. सामान्य प्रशासन विभागाचे नितीन गद्रे यांचे आदेश जळगाव जि. प. ला प्राप्त झाल्यानंतर त्यांच्या बदलीवर शिक्कामोर्तब झाला आहे.
विद्या गायकवाड यांची बदली
महानगरपालिकेच्या आयुक्त डॉ. विद्या गायकवाड यांची बदली झाली आहे. त्यांचा पदभार अतिरिक्त आयुक्त पल्लवी भागवत यांच्याकडे सोपविण्यात येणार आहे. गायकवाड यांना अद्याप कुठेही पदस्थापना देण्यात आलेली नाही.
