जळगाव : प्रतिनिधी
लोकसभा निवडणुकीच्या उमेदवारी बाबत महाविकास आघाडी कडून जळगाव लोकसभा मतदारसंघात शिवसेना उद्धव बाळासाहेब ठाकरे गटाला जागा सुटलेली आहे. मात्र उमेदवार मिळत नसल्याने अजूनही उमेदवारीच्या शोधात शिवसेना असून आता रमेश माणिक पाटील यांच्या उमेदवारीची चर्चा आहे.
जळगाव लोकसभा मतदार संघात महाविकास आघाडीकडून शिवसेना निवडणूक लढवीत आहे. या निवडणुकीसाठी आधी ललिता पाटील कुलभूषण पाटील यांच्या नावाची चर्चा होती. परंतु अजूनही शिवसेनेकडून उमेदवारी कोणाला मिळेल दिले जाईल याबाबत स्पष्ट झालेले नसून भाजपच्या स्मिता वाघ यांच्याविरुद्ध सक्षम उमेदवार देण्याबाबत शिवसेना कडून अजूनही शोध सुरूच आहे. मुंबई येथे उमेदवारी बाबत घडामोडी घडत असून शिवसेनेचे संपर्कप्रमुख हे देखील जळगाव आज येण्याची शक्यता आहे. तसेच येत्या दोन दिवसात शिवसेनेकडून उमेदवारी जाहीर होण्याची शक्यता आहे.
रमेश पाटील यांच्या उमेदवारीची चर्चा
जळगाव लोकसभा मतदारसंघासाठी एरंडोल येथील तसेच माजी जिल्हा परिषद समिती सदस्य रमेश माणिक पाटील यांच्या नावाची चर्चा सध्या सुरू आहे. परंतु अद्याप उमेदवारी बाबत शिवसेनेतर्फे चित्र स्पष्ट झालेले नाही.
